اقصر قصه حب

وصلتني .. عبر الايميل .. الرسالة التالية بعنوان " أقصر قصة حب " :

once upon the time, a guy asked a girl : will you marry me

she said : No

and the guy lived happily ever after

The End

.
.

كان يا مكان .. في قديم الزمان

شب سأل بنت : بتتزوجيني

والبنت جاوبتو : لأ

وعاش الشب بعدها سعيدا هانئا لبقية عمره

توتة توتة خلصت الحدوتة

.
.

أول ما قريت هالايميل ... ابتسمت ابتسامة طويلة .. وقلت بقلبي : أكيد يلي كاتبها متزوج !!

شو قصة الزواج بهالايام !!

ما في متزوج .. ألا وبسب الساعة يلي تزوج فيها !!

يا أما كلهن كذابين .. يا أما في شي غلط !!

.
.

والله عم فكر أني أخطب .. بس ما أتزوج

يعني عيش حياتي .. خاطب

منو اسمي مرتبط وبالتالي ما حدا بيحكي عليي

ومنو بخلص من مشاكل وملحقات ما بعد الزواج

.
.

و أزا كان ولا بد .. والله مد بعمري وعمر خطيبتي .. منتجوز بأواخر الستينات

وقتها ما بكون ألنا حيل نعمل مشاكل .. و منكون عم نبيّضها .. وعم نستنى حسن الختام

.
.

بي سي : على فكرة هي الطريقة ناجحة أيضا في حال كان الشب .. معتّر .. ما عندو بيت .. ومو حسنان يصرف على عيلة

.
.

وهي حلينا مشكلة عويصة بهالأيام

أولي عني مو نفعان